Радев: Бугарија ќе донира големо количество вакцини за Македонија
Бугарскиот претседател Румен Радев денеска во Рим најави дека Бугарија ќе и донира големо количество вакцини против коронавирусот на Македонија.
Како што јави дописникот на МИА од Софија, Радев, нагласи и дека Бугарија ја разгледува можноста државната помош за туризмот да биде искористена за бесплатни кампови за ученици и студенти од Северна Македониј во бугарските планински и приморски одморалишта.
Радев во изјава за бугарските медиуми по неговата средба со шефот на италијанската држава Серџо Матарела, потенцира дека со македонскиот претседател Стево Пендаровски, со кога заедно отапуваа во Рим, ја разгледувале идејата ученици и студенти од земјава да минат дел од одморот заедно со деца од Бугарија.
– Разговараме со претседателот Пендаровски да поканиме ученици и студенти од Македонија да поминат дел од нивниот одмор со нашите деца, заедно со наставниците, така што ќе имаме едукативна и хуманитарна програма. Ако успееме да го постигнеме тоа, ќе се направи најважниот чекор за надминување на децениска пропаганда на инсинуации и спротиставувања меѓу двете држави. Ако ги собереме нашите млади луѓе заедно, сигурен сум дека тоа ќе неутрализира какви било пропаганди, нагласи Радев.
Тој потенцира дека претседателот на Италија, Матарела е целосно солидарен со бугарскиот став за пристапувањето на Република Македонија и Албанија во Европската Унија.
– Сите сакаме да ги видиме овие земји на нивниот европски пат што е можно поскоро, но има јасни критериуми за членство, што секоја земја мора да покаже дека ги исполнува одржливо и неповратно. Јас многу јасно ја објаснив бугарската позиција дека ќе постигнеме напредок во однос на прашањето за проширување кога самите земји ќе ја покажат јасно, категорично и неповратно нивната волја за напредок, потенцира Радев.
Тој доаде дека ваквиот став го споделуваат многу европски лидери, истакнувајќи дека напредок во проширувањето ќе се постигне со силни позиции на самите земји кандидати.
Ново на Сител
-
Репортери без граници: Северна Македонија на 36. место, најдобро рангирана меѓу државите од регионот
-
Автобус падна во длабока провалија во Пакистан, најмалку 20 загинати и 21 повреден
-
СПМ: Гласањето на 8 мај е пресудно за иднината на државата
-
Приведени двајца дилери од Кичево
-
Приведена 50-годишна жена за кражба во продавница во Гостивар
-
Вархеји му честиташе на Вучевиќ: Се радувам на соработката за пристапување на Србија во ЕУ
-
Белград: Годишнина од масовното убиство во „Рибникар“ | ВИДЕО
-
Подољак: Да се усвои единствена одлука за враќање на воено способни мажи во Украина