Повеќе од 10 загинати и над 300 повредени во налет на две торнада во Кина
Најмалку 10 лица загинаа, а 300 се повредени кога две торнада ги погодија централна и источна Кина, јавија денеска кинеските државни медиуми.
Шест лица загинаа во Вухан, а уште четири во градот Шенгзе, на источниот брег во близина на Шангај, соопштија локалните власти.
Торнадото првпат го погоди Шенгзе синоќа околу 19 часот по локално време, при што беа оштетени згради на фабрики и електричните постројки, јави Синхуа.
Властите на тој град на социјалните мрежи објавија дека загинале четири лица, а 149 се повредени.
Градот Вухан, торнадо со брзина од 86 километри на час, го погоди во 20.40 часот по локално време и уништи повеќе од 20 домови и предизвика прекин на електричната енергија во 26.600 домаќинства. Властите соопштија дека шест лица загинале, а 218 се повредени во Вухан.
Новинската агенција Синхуа објави дека 27 куќи биле урнати во Вухан, а други 130 биле оштетени.
Ново на Сител
-
Истрага од Комисија за судир на интереси против хрватскиот претседател бидејќи ја однел сопругата на ЕУРО 2024 во Германија
-
Времето лечи се | Катерина Ангеловска | Личен Развој | Sitel Podcast 047
-
На „Табановце“ се чека околу 15 минути за влез во државата
-
Нема промена на Рамката
-
Донесени дополнувањата на Законот за енергетика со кои треба да се спречи поскапување на струјата
-
Советници на Трамп му предале план за запирање на американската воена помош на Киев доколку не разговараат за мир со Москва
-
Предлог законот за дополнување на Законот за енергетика, по скратена постапка, проследен на натамошна постапка во Собранието
-
ЕУ ја продолжи заштитата на украинските бегалци до 2026 година