90 куршуми од калашников биле испукани кон Камер Идризи и неговиот внук

Во вчерашното убиство во Бутел 2 биле испукани 90 куршуми од калашников кон возилото во кое се наоѓале Идризи и неговиот внук.

Инцидентот се случил околу 22.00 часот на паркингот на раскрсницата од булеварите „Босна и Херцеговина“ и „Христијан Тодоровски-Карпош“, во Бутел, кога над 90 куршуми биле испукани кон автомобилот „голф“ во кој биле Камер Идризи и младиот арачиновец, кој неофицијално бил негов внук.

Инаку, Камер Идризи стана познат на пошироката јавност во 2019 година, кога неколку маскирани лица испукаа десетици куршуми кон него во хотелот Александар Палас во Скопје.