Обрван: Во Словенија патуваме со 21 ракометар

- Словенија е исклучително квалитетна репрезентација особено на домашен терен и овие два дуела ќе ни бидат од големо значење. За Словенија ќе патуваат 21 ракометар според договорот и тоа значи дека двајца ќе останат во Скопје. Тоа се голманот Златко Даскаловски и Мартин Велковски.По враќањето од Словенија ќе видиме (со колкав број на играчи) како ќе продолжиме откако ќе имаме една слика за досега одработеното и во пресрет на тоа што не очекува, изјави селекторот Ивица Обрван.

Репрезентацијата од Словенија се враќа на 6.јануари, а потоа следниот собир ќе биде на 8.јануари со утрински тренинг. За 10 и 11.јануари се закажани и двата дуела со Црна Гора во Скопје.

Натпреварите со Словенија се играат утре во Кршко (почеток 18 часот) и во вторник во Цеље (почеток 18:30 часот).