Протести во германскиот град Касел поради ограничувачките мерки, полицијата се судри со демонстрантите

Демонстрантите кои денеска излегоа на улиците во Касел за да изразат незадоволство од ограничувачките мерки на германската Влада се судрија со полицијата која против нив користеше бибер спреј и палки.

Полицијата соопшти дека неколку илјади луѓе се собрале на претходно непријавениот собир во центарот на градот. 

Во полицискиот извештај се вели дека насилството избило откако демонстрантите ги игнорирале упатствата и предупредувањата на полицајците и ги пробиле полициските бариери.

Полицијата извести дека неколку лица биле приведени, но точниот број не е објавен.

Како што е наведено, голем број од демонстрантите не носеле маски, ниту се придржувале до физичката дистанца.

Во меѓувреме, Берлин се подготвува за голем собир на членови на екстремната десница, но до раните попладневни часови само неколку десетици учесници се забележани на местото на настанот.