Медведев: Навални користи подмолни техники за да дојде на власт

Заменикот претседател на рускиот Совет за безбедност Дмитриј Медведев го опиша лидерот на руската опозиција Алексеј Навални како политички подлец, чии обиди да дојде на власт ги оцени како несоодветни и несовесни, пренесува ТАСС.

– Претходно мислев за него на овој начин и сè уште мислам така. Верувам дека Навални е политички подлец, личност која користи несовесни, цинични тактики за да дојде на власт за да ги постигне своите цели, рече Медведев.

Тој, исто така, верува дека истрагата за здравствената состојба на Алексеј Навални и неговото труење не е клучна во одлучувањето за постапката против него затоа што тој не е болен.

– Колку што разбрав, тој неодамна рече дека е во добра здравствена состојба. Па, тој е здрав и му благодари на Бога за тоа. Затоа, се чини дека секоја идна дискусија за ова прашање е ирелевантна, рече заменикот претседател на рускиот Совет за безбедност.

На Навални му се слоши за време на авионски лет на 20 август, а два дена подоцна беше префрлен во болница во Берлин. Лаборатории во Германија, Франција и во Шведска, како и тестирањата кои ги спроведе Организацијата за збрана на хемиско оружје, утврдија дека Навални бил изложен на отровот „новичок“, развиен во некогашниот Советски Сојуз. Руските власти во неколку наврати негираа каква била вмешаност во труењето на Навални.