Москва: Црвениот плоштад ќе биде затворен за Новогодишната ноќ поради безбедносни причини
Црвениот плоштад во Москва, тредиционалното место за собир на Русите и туристите во руската престолнина по повод дочекот на Новата година ќе биде затворен на 31 декември поради безбедносни причини, соопштија денеска градските власти.
Оваа година полицијате ќе ги враќа сите кои ќе пристигнат на плоштадот со желба на тоа место на полноќ да ја испратат старата и да ја дочекаат Новата година, изјави шефот на безбедносната служба во Москва, Алексеј Мајаров.
Како официјална причина за затворење на една од најголемите туристички атракции во Русија се наведува снимањето на концертот во живо за државната телевизија „Канал 1“, на кој ќе може да присуствува само одбрана публика, пренесуваат руските медиуми.
Москва воведе низа остри безбедносни мерки откако во ноември во Париз беше изведен терористички напад.
Нападите во Париз за зголемија вознемиреноста по соборувањето на рускиот патнички авион над египетскиот Синај кон крајот на октомври, кога се убиени 224 лица, за што Москва тврди дека е терористички акт.
- Не е тајна дека Москва е посакувана мета на меѓународните терористи, изјави во текот на декември градоначалникот на Москва Сергеј Собјанјин.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот