Ерменија соопшти за 3.400 смртни случаи во војната во Нагорно Карабах

– Телата на 3.439 ерменски жртви беа пронајдени за време на борбите во Нагорно Карабах, но овие бројки се прелиминарни. Ова го изјави за време на парламентарната контрола ерменскиот вицепремиер Тигран Авинјан.

-Во моментов имаме 3.439 мртви тела, од кои 766 се уште не се идентификувани. Има и такви кои се сметаат за исчезнати. Не сакам да ги објавам конечните бројки. Но, бројот на загинати нема да надмине 4.000 луѓе, рече вицепремиерот.