„Солун, град на духови“ вечер во Кино Култура

Во рамки на програмата на Кино Култура вечер со почеток во 20:00 часот ќе биде прикажана театарска претстава „Солун, град на духови“ по текст на Русомир Богдановски, инспириран од истоимената книга на Марк Мазовер, музика на Златко Ориѓански, во режија на Слободан Унковски.

Во претставата играат Симона Димковска, Ивана Павлаковиќ, Наталија Теодосиева, Стефан Вујисиќ, Мартин Манев, Горан Ников и Владимир Петровиќ.

Претставата е продукција на Театарот на Навигаторот Цветко, направена со поддршка на Министерството за култура на Македонија и на Музејот на холокаустот на евреите од Македонија.

Влезот за претставата е бесплатен, а картите можат да се подигнат од 19:40 часот во фоајето на Кино Култура.