Запленети 53 килограми марихуана во прилепското село Лагово

Полицијата запленила 53 килограми марихуана во акција која вчера околу 13 часот се одвивала во близина на прилепското село Старо Лагово. Како што информира МВР, во акцијата е приведено едно 46 годишно лице од струшкото село Калиште. Како што информира полицијата, осомничениот на даден знак на полициските службеници не застанал со автомобилот кој го управувал и почнал да бега при што во движење од возилото исфрлил 2 патни торби во кои била марихуаната. По преземени мерки, полицајците успеале да го запрат возилото и осомничениот да го лишат од слобода. Се најавува целосно документирање на случајот по што ќе следи соодветна кривична пријава до надлежното обвинителство.

Александар Спасовски