Штипската болница ќе побара пред Инфективното одделение да има припадници на Армијата

Директорот на Клиничка болница во Штип, Ален Ѓеорѓијев денеска истакна дека ќе побара припадници на Армијата да има пред Инфективното одделение и посочи дека консултациите ќе ги направи со министерот за здравство Венко Филипче.

Тој смета дека е потребно да има припадници на војската пред ова одделение, бидејќи се создава поголема гужва пред дневната Ковид амбуланта, но таму се и тие кои чекаат тестирање.

На регионалниот ковид – центар, односно во Инфективното и Кожно одделение се хоспитализирани 58 пациенти, од кои 31 се на кислородна поддршка, а едно лице од Радовиш починало во болнички услови. Во овој ковид – центар, во кој се лекуваат пациенти од целиот источен регион, бројката на хоспитализирани веќе една недела се движи од 55 до 59 пациенти.