Суд во САД времено ја блокираша забраната против ТикТок

Американски суд времено го блокираше влегувањето во сила на одлуката на американската администрација за отстранување на ТикТок од апликациите на Гугл и Епл.

Забраната за преземање на ТикТок требаше да стапи на сила во недела во 23:59 часот по локално време.

Окружниот судија Карл Николс издаде привремена забрана по барање на ТикТок, апликација за која Белата куќа вели дека е закана за националната безбедност, тврдејќи дека кинеската компанија е поврзана со владата на Пекинг.

Судската одлука ќе дозволи употреба на ТикТок до 12 ноември, кога целата употреба ќе биде блокирана. Судијата го отфрли барањето на ТикТок за укинување на забраната по 12 ноември.