Иран извезува во Русија девет тони збогатен ураниум

Иран во следните денови ќе извезе околу девет тони збогатен ураниум во Русија, изјави денеска претседателот на Иранската организација за атомска енергија Али Акбар Салехи.

Тоа се случува во момент кога Техеран ја ограничува својата нуклеарна програма, со цел да се олеснат санкциите против него. 

- Во следните неколку денови околу девет тони ирански збогатен ураниум ќе биде извезен во Русија, истакна Салехи.

Иран и шесте светски сили во јули оваа година постигнаа договор за иранската нуклеарна програма.