Уапсен 43-годишен маж од Тетово кој извршил обљуба врз три малолетни девојчиња

МВР информира дека вчера во Полициската станица Тетово, три жени од тетовско село пријавиле дека 43-годишниот Ф.А. од нивното село извршил обљуба врз нивните малолетни ќерки.

-За настанот бил известен Јавен обвинител, а врз основа на судска наредба, на 22.08.2020 полициски службеници извршиле претрес во домот на Ф.А., при што пронашле и одзеле пиштол „Ekol Firat Magnum“, една рамка со 13 куршуми кал.9мм, секира, три ножеви и други предмети, за кои постои сомение дека можат да помогнат во истрагата. Ф.А. бил приведен во полициска станица и по целосно документирање на случајот против него ќе биде поднесена соодветна пријава - информираат од МВР.