Маратонот во Париз повторно одложен

Организаторите на парискиот маратон, еден од низата најпрестижни светски маратони, најавија дека годинешната трка ќе се одржи на 15 ноември.

Парискиот маратон обично се одржува во првата половина на април, но оваа година, поради пандемијата на коронавирусот, првично беше одложена за 18 октомври, а организацијата АСО, која е организатор, повторно го одложи одржувањето за еден месец.

Оваа година нема да се одржат маратоните во Бостон, Њујорк и Берлин.