Врховниот суд на Турција ќе ја разгледа петицијата за пренамена на музејот „Аја Софија“ во џамија
Највисокиот турски суд денеска ќе ја разгледа петицијата во која се бара музејот „Аја Софија“ во Истанбул да се пренамени во џамија, јави ДПА.
„Света Софија“ била најголемата христинска црква, изградена во VI век од Византијците, а во џамија била претворена по османлиското освојување на Цариград, денешен Истанбул, во 1453 година.
Статусот од верски објект во музеј бил сменет со указ во 1934 година.
Одлуката на судот може да биде донесена или денеска или во рок од 15 дена, јави турската државна агенција „Анадолија“.
Религиозните фанатици веќе долго време бараа ова Светско културно наследство на УНЕСКО повторно да се претвори во џамија.
Пред минатогодишните избори претседателот Реџеп Тајип Ердоган зборуваше за можноста „Аја Софија“ да се пренамени во џамија.
Тоа го подели турското општество каде многумина сметаат дека актуелниот музејски статус на „Аја Софија“ е одраз на секуларизмот во земјата.
Петицијата, што беше слушната и од Државниот совет, ја поднесе малку познатото здружение, чиј 75-годишен претседател, Исмаил Кандемир, веќе 26 години се бори за пренамена на објектот во џамија.
Тој неодамна за телевизијата Канал7 изјави дека го „посветил својот живот“ за „Аја Софија“ да биде повторно отворена за исламски молитви.
Кандемир бара поништување на указот од Мустафа Кемал Ататурк, основачот на модерната турска република, кој го смени статусот на споменикот во музеј.
„Аја Софија“ е културно обележје и за христијаните и за муслиманите и секоја година ја посетуваат милиони туристи.
-Претворањето на „Аја Софија“ во џамија ќе разочара милиони христијани низ целиот свет, изјави патријархот Вартоломеј Први, духовниот лидер на православната христијанска црква.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата