Мисајловски: Гоце Делчев е Македонец и точка, нема што да преговараме
Потпретседателот и носител на изборна единица 2 Владо Мисајловски вчера оствари средба со жителите на скопската населба Керамидница, општина Гази Баба при што пред присутните истакна дека Гази Баба е бастионот на ВМРО-ДПМНЕ и дека заедно со граѓаните на 15 јули ќе им порачат на СДСМ дека е доста од нивното владеење.
– Гази Баба е бастионот на ВМРО-ДПМНЕ. Знаете што се случуваше овие 3 години посебно со една тема како да го сменат името, како да не понижат, како да се полнат торби со пари, со оние познати торби Луј Витон, корупција насекаде, а да се фалат дека многу работат и дека се во оваа држава се како што треба. Но, не е така и навистина треба заедно да им порачаме дека е доста и да ги казниме – вели Мисајаловски.
Мисајловски додаде дека СДСМ не ги реализирала проектите кои што ги ветила пред граѓаните, како и дека во програмата на ВМРО-ДПМНЕ Обнова за Македонија има 1.000 проекти кои што ќе се реализираат во наредниот четиригодишен мандат.
– Кога ќе ги прашате СДСМ каде се оние 230 километри автопати што ги ветуваат не знаат да кажат кои се, не знаат да кажат дали платата е покачена за 500 евра како што ветуваа, не знаат дали има 100.000 денари за докторите. Но, затоа ние имаме 1.000проекти, ќе се зголемат пензиите, ќе се зголемат платите за 25 проценти – вели тој.
Мисајловски посочи дека Гоце Делчев е Македонец, македонскиот јазик е македонски и за нив нема преговарање.
– Гоце Делчев е Македонец и точка, нема што да преговараме, тоа е завршено, македонскиот јазик е македонски и нема преговарање, нема што тука да разговараме – рече Мисајловски.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера