Бразил на второ место по бројот на смртни случаи од Ковид-19

Бразил ја престигна Велика Британија по бројот на смртни случаи од последици од новиот коронавирус и сега е на втор место, зад САД.

Вкупниот број на починати луѓе се искачи на 41.828, од кои во 909 лица во изминатите 24 часа.

Министерството за здравство на Бразил соопшти дека вкупниот број на инфицирани лица изнесува 828.810, откако беа регистрирани 25.982 новозаболени.

Бразил и по бројот на заразени луѓе е на второ место, зад САД.

Претседателот на Бразил, Жаир Болсонаро смета дека новиот коронавирус не претставува голема опасност и пандемијата ја нарече „мал грип“.