Најмногу дожд во Пожаране, во Штип ветер до 65 км/ч

Најмногу наврнат воден талог во изминатите девет часа до 17 часот денеска има во Пожаране, Тетово – 6 литри на метар квадратен, во Лазарополе – 4 и Виница и Скопје – Зајчев Рид по 1 литар на метар квадратен, информираат од Управата за хидрометеоролошки работи.
Дувал умерен до засилен северозападен ветер, кој во Штип достигнувал брзина до 65, а во Скопје-Зајчев Рид над 50 километри на час.
Времето до крајот на денот ќе биде претежно облачно и посвежо со повремени врнежи од дожд, пообилни во западните делови. Ќе дува умерен до засилен северозападен ветер. Во текот на ноќта врнежите ќе престануваат.
Во Скопје, времето ќе биде облачно и свежо со повремени врнежи од дожд и со умерен до засилен северен ветер.
Времето утре претпладне ќе биде променливо облачно, а попладне облачноста ќе се намалува. Ќе дува умерен до засилен северен ветер, кој на места ќе достигнува брзина над 70 километри на час. Минималната температура ќе биде во интервал од 2 до 9, а максималната ќе достигне од 15 до 21 степен.
Во Скопје, времети претпладне ќе биде променливо облачно, а попладне облачноста ќе се намалува. Ќе дува умерен до засилен северен ветер. Минималната температура ќе се спушти до 4, а максималната ќе достигне до 19 степени.
Во наредните денови следува период на стабилно време со пораст на дневните температури. Особено топло се очекува во почетокот на следната седмица.
Ново на Сител
-

Мицкоски: „One Stop Shop“ системот ќе го олесни транспортот и ќе ги доближи Македонија и Албанија
-

Руските загуби во Украина се неодржливи, се приближуваат до размери од Втората светска војна
-

Неуспешен обид за средба Трамп – Ким: Северна Кореја поставила неприфатливи услови
-

Пронајдено тело на шестгодишно дете кое паднало во реката Рибница во Подгорица
-

Променливо облачно време со сончеви периоди, од понеделник заладување
-

Краделе мебел, бела техника и радијатори кај браната Конско - приведени две лица
-

Зеленски повторно бара членство во НАТО, според него тоа е гаранција за безбедност
-

Уапсен возачот кој возеше во спротивен правец на „Партизанска“ | ВИДЕО
