Шок во Британија: Медицинските сестри носат кабаници за заштита од вирусот

Како што пренесува „Дејли мејл“, болниците очекуваат два авиони наскоро да пристигнат и да им донесат 84 тони медицинска опрема. Според последните информации, авионите би требало да пристигнат за неколку дена, а во меѓувреме болниците се соочуваат со недостиг на медицинска опрема.

Глен Турп од Здружението на медицински работници изјави дека нивните членови се жалеле за тоа каква опрема добиваат, додека истовремено од нив се очекува да бидат на првата линија на одбраната од коронавирусот.

„Ни кажаа дека им дале некаква облека која потсетува на кабаници. Тие се премногу загрижени и исплашени, плачат пред да одат на работа и пред да си одат дома. Јасно е дека нашите членови се загрижени поради ситуацијата и се чувствуваат несигурно кога работат. Имаат чувство дека владата ги оставила на цедило“, изјави Турп.

За тоа колку е ситуацијата сериозна најдобро говори податокот дека некои болници дури и ги переле кабаниците и ги дезинфицирале после употреба, иако требало да се користат само еднаш и потоа да се фрлат.