СЗО: Најлошото допрва доаѓа
Шефот на Светската здравствена организација предупреди дека „најлошото сè уште е пред нас“ во епидемијата на коронавирусот, вклучувајќи нови аларми за пандемијата токму во моментите кога многу земји почнуваат да ги олеснуваат рестриктивните мерки.
Тедрос Аданом Гебрејесус не прецизираше точно зошто верува дека епидемијата што зарази скоро 2,5 милиони луѓе и уби над 166.000 допрва може да се влоши. Меѓутоа, некои луѓе укажаа на веројатното идно ширење на болеста низ Африка, каде што здравствените системи се многу помалку развиени.
Тедрос алудираше на таканаречениот шпански грип во 1918 година како референца за епидемијата на новиот коронавирус.
„Има една многу опасна комбинација и тоа се случува сега... како грипот од 1918 година, од кој починаа 100 милиони луѓе“, изјави тој пред новинарите во Женева.
„Но сега имаме технологија, можеме да ја спречиме таа катастрофа, можеме да го спречиме тој вид криза“.
„Верувајте ни. Најлошото допрва е пред нас“, рече тој. „Ајде да ја спречиме оваа трагедија. Ова е вирус што многу луѓе сè уште не го разбираат“.
Ново на Сител
-
В.д. директор на ЗОО-Скопје: АХВ упадна без налог и известување
-
Се уште забранета водата за пиење во Струмица
-
Малолетничка претепана со тврди предмети од дечкото
-
Баба (68) „копала“ крипто валути, измамена за 215.497 денари
-
Татко ја пријавил за исчезната малолетната ќерка, таа се јавила од Косово
-
Криминалци со пиштоли влегле во фирма за брзи кредити и украле 5000 евра
-
Мицкоски иницира изготвување стратегија за државата во соработка со МАНУ, ја повика опозицијата заеднички да носат одлуки
-
Утре во Брисел нова рунда од дијалогот Белград-Приштина