Словенија повторно се задолжува за да и помогне на економијата погодена од епидемијата

Словенечката Влада реши повторно да е задолжи за да може да им помогне на граѓаните и економијата погодени од епидемијата на коронавирусот.

Владата им даде налог на банките да најдат пари за брзо задолжување.

Словенечкиот министер за финансии Андреј Ширцељ најави дека ќе се направат и законски измени, кои ќе и дозволат на земјата поголемо задолжување, а кажа дека се подготвува и ребаланс на буџетот.

Словенија во јануари веќе се задолжи за една и пол милијарда евра. Дел од парите за финансиска поддршка на економијата, што беше дел од т.н. „Мега корона Закон”, беа добиени од Европската централна банка, која на земјата и даде заем од една милијарда евра.