Бил Гејтс предлага три чекори за справување со новиот коронавирус
Американскиот милијардер Бил Гејтс во авторски текст во „Вашингтон пост“ предупредува дека САД ја пропуштиле можноста да бидат чекор пред новиот коронавирус, но оти се уште не е доцна да се донесат важни одлуки од кои ќе зависи бројот на смртни случаи, но и заздравувањето на економијата.
Тој наведува дека во разговор со голем број експерти и лидери заклучил дека е потребно да се преземат три чекори.
Гејтс посочува дека е потребен доследен национален пристап за решавање на проблемот, потоа зголемување на обемот на тестирање и трето создавање единствена база на податоци заснована врз науката, која ќе работи на развој на вакцина.
– И покрај аплите на експертите и властите во некои држави плажите и понатаму се отворени, во други рестораните и понатаму се преполни. Некои можат слободно да патуваат каде и како сакаат како и вирусот, наведува Гејтс, при тоа додавајќи оти се тоа е рецепт за катастрофа.
Тој потенцира дека мора да биде јасно оти секоја конфузија ги продолжува економските проблеми, ги зголемува можностите Ковид-19 да се врати и да предизвика поголем број смртни случаи.
Гејтс како втор чекор го наведува зголемено тестирање и објавување на резултатите, додека трет чекот е создавање на база на потенцијални волонтери за клинички испитувања.
– За да се стави крај на болеста, потребна е сигурна и ефиканска вакцина. Ако работиме се како што треба би можеле да ја имаме за најмалку 18 мессеци, посочува коосновачот на Мајкрософт.
Тој предвидува дека ќе мора да се произведат милијарди дози вакцини.
– Како што видовме оваа година, пред нас е долг пат. Но, и понатаму верувам дека ако сега донесеме исправни одлуки, засновани на науката, податоците и искуството на медицинските екеперти, можеме да спасиме животи и да ја вратиме земјата таму каде што беше, истакнува Гејтс.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата