УЕФА: Секоја федерација може да одлучи за својот шампионат
Потпретседателот на УЕФА, Микеле Ува увери дека европскиот штаб им дава слобода на своите федерации сами да одлучуваат кога ќе бидат обновени првенствата.
– Секоја федерација, заедно со професионалната лига во својата земја, има слобода да одлучува за своето првенство. Може да одлучи кога да ги одреди датумите за обновување, како да ги одреди шампионот, кои испаѓаат и кое влегуваат, рече Ува за „Спортмедиасет“.
Тој вели дека УЕФА ќе постави рок да добие список на учесници на следните клупски турнири.
УЕФА утре ќе има видео конференција на која ќе разговараат за сите важни теми за европскиот фудбал.
Во моментов, поради пандемијата на коронавирус, не се игра фудбал никаде на Стариот континент, освен во Белорусија.
– Дојде сигнал за обединување и голема компетентност од УЕФА. Дејствувавме со чувство на одговорност. Приоритет беше даден на здравјето на сите. Сега ќе ги координираме федерациите, клубовите и лигите кои ја доживуваат ситуацијата на многу поинаков начин, со оглед на различниот број на заболени од коронавирусот, изјави потпретседателот на УЕФА.
На крајот Ува ја коментираше ситуацијата што директно влијае на фудбалот.
– За УЕФА, најважно е здравјето, а не бизнисот. Како граѓанин и љубител на спортот, можам да кажам дека системот мора да дејствува обединето и компактно. Секој мора да направи компромис како моравме да направиме со одложувањето на европското за мажите и жените. Мора да бидеме обединети, како што направи УЕФА, за доброто на заедницата, заврши тој.
Ново на Сител
-
Се запали казино во Охрид | ВИДЕО
-
Мицкоски: Скандалозно е вицепремиер да бара од компании да гласаат за СДСМ бидејќи добиле државна помош
-
Кошаркарот од Ѓорче кој ветува промени | Владо Мисајловски | Неформално | Sitel Podcast 033
-
Се дистрибуира доверливиот избирачки материјал од битолската печатница до општинските изборни комисии
-
Ограбена спортска обложувалница на Бит Пазар
-
Повеќе од 30 украински медиумски работници се наоѓаат во руско заробеништво
-
Приведени две лица во Куманово - еден за употреба, друг за продавање дрога
-
Сопружници завршиле во притвор поради меѓусебна пресметка