Состојба со Ковид-19 во светот до 20 часот

Според најновите податоци, во светот досега се регистрирани 215.519 луѓе заразени со новиот коронавирус. Од нив починати се 8.892, а оздравеле 84.328 луѓе.

– Франција пријави уште 89 смртни случаи од Ковид-19. Со ова вкупниот број на починати достигна 264. Во земјата се регистрирани вкупно 9.134 заразени лица, 1.404 повеќе од вчера.

– Израелските власти забранија влез за сите странци, освен за државјани на Израел.

– СЗО: Африка мора да се разбуди и да се подготви за лошо сценарио поради ширењето на новиот коронавирус.

– Претседателот на Перу прогласи ограничено движење во државата во текот на ноќта.

– Германската канцеларка Ангела Меркел изјави дека новиот коронавирус е „најголем предизвик за Германија од Втората светска војна“.

– Во Британија од петок се затвораат сите училишта во обид да се спречи ширењето на Ковид-19.

– Во Србија до 18 часот се регистрирани вкупно 89 случаи на Ковид-19.

– Калифорнија соопшти дека 15 лица починале од вирусот во оваа сојузна држава.

– Кина ќе испрати повеќе од два милиони заштитни маски во Европската унија која стана епицентар на пандемијата на коронавирусот, најави денеска претседателката на Европската комисија Урсула фон дер Лејен.

– Три големи произведувачи на автомобили привремено ги затвораат сите фабрики поради коронавирусот. Се работи за Форд, Крајслер и Џенерал Моторс.

– Повторно е овторено тргувањето на њујоршката берза.

– На Куба е регистриран првиот смртен случај од новиот коронавирус. Почина италијански турист на возраст од 61 година. Потврдени случаи на заразата во Куба досега се 10.