СЗО: Тестирајте, тестирајте, тестирајте
Директорот на Светска здравствена организација, Тедрос Адханом Гебрејесус синоќа изјави дека треба да се тестира секој сомнителен случајк на Ковид-19.
– Имаме едноставна порака за сите земји: тестирајте, тестирајте, тестирајте, посочи Гебрејесус.
Тој истакна дека сите држави треба да имаат сеопфатен пристап во борбата против новиот коронавирус, при тоа потенцирајќи оти „прекинувањето на синџирот на пренесување“ е најефикасен начин да се спречи инфекцијата и да се спасат животи.
– А, за тоа да го направите мора да ги тестирате и да ги изолирате (луѓето). Против пожар не можете да се борите со затворени очи и не можеме да ја запреме ова пандемија, ако не знаеме кој е заразен, истакна Гебрејесус.
Тој исто така нагласи дека мерките за социјално дистанцирање можат да помогнат во намалување на пренесувањето на вирусот и да им овозможат на здраствените системи да се носат со пандемијата, додека миењето раце и кивањето во лактото можат да го намалат ризикот од заболување, но мерките сами по себе не се доволни да се искорени пандемијата.
Гебрејесус потсети дека СЗО испратиле речиси 1,5 милиони тестови во 120 држави.
– СЗО советува сите потврдени случаи да бидат изолирани во здраствените институции со цел да се спречи пренесување на болеста и да се обезбедат адекватни мерки.
Тој оцени дека следните денови, недели и месеци ќе бидат тест на нашата одлучност, тест за нашата доверба во науката и тест на солидарност.
– Сите заедно сме во ова. И само заедно можеме да успееме. Така да правилото на играта е: заедно, наведе директорот на СЗО.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава