Поради Ковид-19 се затвора џамијата Ал Акса во Ерусалим

Ерусалимската џамија Ал-Акса и муслиманското светилиште Купола на карпата ќе ги затворат своите врати за верниците, како мерка претпазливост против ширењето на коронавирусот, соопштија денеска исламските верски власти.

Сепак, молитвите на отворено сè уште ќе бидат дозволени во комплексот, кој е во трето најсвето место во исламот, јави „Ерусалим пост“.

– Високиот верски совет одлучи да ги затвори деловите од комплексот кои не се на отворено во благословената џамија Акса до понатамошно известување како заштитна мерка за да се спречи ширењето на коронавирусот. Сите молитви ќе се одржат во отворените делови на џамијата Акса, изјави одговорниот во џамијата Ал-Акса Омар Кисвани.