Поради одрон блокирана една лента кај село Драмче на патот Делчево – Македонска Каменица

– Бидејки одронот се наоѓа пред кривина кај селската продавница при доаѓање од Делчево кон Македонска Каменица, поради мракот карпата не се забележува и постои опасност за возилата и возачите. Ние ја користевме другата лента но треба да се внимава бидејки од спротивната страна доаѓаат возила, велат возачи.

 

Тие алармираат дека ваквата слика се повторува и на останатиот потег на неколку делници од патот Кочани – Македонска Каменица – Делчево.

 

Од „Македонија пат“, претходно потврдија дека се запознаени со состојбата на терен и во рамки на можностите се интервенира на критичните места.

 

Поради дождот сообраќајот на патниот правец Делчево – Макеоднска Каменица – Кочани во текот на целиот ден се одвива по влажни коловози.