Нов сомнителен случај на коронавирус се тестира на Инфективна

Нов сомнителен случај на коронавирус кај патничка која пристигнала од Милано се тестира на Клиниката за инфективни болести во моменов информираше Министерството за здравство доцна вечерва.

-Министерството за здравство информира дека во моментов на Клиниката за инфективни болести и фебрилни состојби во Скопје се врши тестирање на корона вирус кај патничка која пристигнала со вчерашниот попладневен лет од Милано во Скопје. Резултатите ќе бидат готови во наредните 4 часа, по што веднаш ќе ја известиме јавноста, велат од Министерството.