Британските авиони втор пат бомбардираа нафтени наоѓалишта во Сирија

Британските воени авиони синоќа ја извршија втората серија напади врз цели на Исламска држава во Сирија, при што втор пат бомбардираа нафтени наоѓалишта, изјави министерот за одбрана Мајкл Фалон за време на посетата на британската военовоздухопловна база во Кипар. 

- Синоќа прв пат ги видовме Тајфуните во акција, рече Фалкон и додаде дека тие извршиле успешни напади врз нафтеното наоѓалиште во Омар, во источна Сирија, кое е под контрола на ИД.

Авионите Тајфун пристигнале во базата Акротири во четвртокот, приклучувајќи се кон авионите Торнадо. 

Британскиот Парламент во средата вечерта даде одобрување на воздушните напади на британските сили врз џихадистите.