Меси ја освои наградата Лауреус и се запиша во историјата
Лео Меси ја освои наградата Лауреус за оваа година. Тој ја подели наградата со пилотот на Мерцедес, Луис Хамилтон.
Меси стана првиот претставник на тимски спортови кој ја доби оваа награда и со тоа влезе во историјата на наградите Лауреус.
Наградата , позната и како „Спортски оскар“, годишно ја доделуваат „Laureus World Sports Awards“ на спортистите за нивните достигнувања минатата година.
Номинирани беа и тенисерот Рафаел Надал, голферот Тајгер Вудс, маратонскиот тркач Елиуд Кипчоге и возачот на мотоцикли – Марк Маркез.
Минатата година Меси ја освои својата шеста „Златна топка“, додека Хамилтон стана шампион во Формула 1 по шести пат. Капитенот на Барселона ја прескокна вечерта и испрати видео порака.
„Сакам да се извинам што не успеав да дојдам на церемонијата на доделување на наградите и ви благодарам за тоа признание. Ова е посебна и многу важна награда. За мене ми беше чест што сум првиот тимски играч што ја добива оваа награда. Обично се дава на претставници од индивидуални спортови. Сакам да им се заблагодарам на моите соиграчи, семејството и навивачите кои ме поддржуваат. Се надевам дека ќе се сретнеме повторно еден ден“, рече Меси.
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера