Ѓорѓиевски: Народот е разочаран од погубните политики на СДСМ, ВМРО-ДПМНЕ нуди враќање на достоинството на граѓаните на Македонија

Во рамки на активностите за обнова на Македонија денеска имав чест да се сретнам со луѓе од три населени места во Општина Могила. И овде во општина Могила како и насекаде низ Македонија народот ни е разочаран и видно вознемирен од погубните политики на Социјалдемократскиот Сојуз. Стагнира земјоделието, стагнира економијата, стагнира здравството, буквално секој сегмент од општеството ни стагнира во минативе 3 години. Тоа е и во Могила тоа е на секаде низ Македонија, вели Орце Ѓорѓиевски, член на ИК на ВМРО-ДПМНЕ.

-Ние како ВМРО-ДПМНЕ нудиме концепт и тоа го објаснуваме на граѓаните во нашите разговори и обраќањата према нив. Нудиме концепт на искрена и чесна работа после 12 април. Нудиме конкретна програма со низа мерки кои што сериозно ќе ги подобрат условите на нашите сограѓани и нудиме како никогаш досега враќање на достоинството на сите граѓани на Република Македонија, додава Ѓорѓиевски.