Ширум Европа уапсени 25 Албанци, припадници на нарко група

Во операција на Европол спроведена во повеќе земји уапсени се 25 Албанци осомничени за трговија со дрога.

Истрагата, што ја водеше локалната полиција од Антверпен откри дека дрогата се пренесувала така што била скриена во контејнери во Белгија пред да биде пренесена ширум Европа, користејќи возила опремени со софистицирани скриени прегради.

Најверојатно истата криминална група управувала со плантажи со канабис и во Шпанија и Германија каде одгледувале и обработувале марихуана пред да ја пренесат во други европски земји на препродажба и дистрибуција.

Операцијата резултираше на девет осомничени во Белгија, шест во Шпанија, тројца во Холандија, шест во Германија и еден осомничен во Франција, што е вкупниот број на 25 осомничени.

Претресени се 30 домови, расформирани се шест плантажи со марихуана, запленети се 60.000 евра во готовина, мобилни телефони, пиштоли и муниција.
Европол ја поддржа оваа истрага преку обезбедување соодветна експертиза, широка аналитичка поддршка и олеснувачка размена на информации преку нивните безбедни канали.