Трипуновски: Наместо да се откупи домашниот се увезува тутун од странство по повисоки цени

Тутунарите се излажани и изманипулирани, наместо да се откупи домашниот тутун се увезува тутун од странство кој се плаќа и над 300 денари, обвини денеска дополнителлиот заменик министер за земјоделство, шумарство и водостопанство Цветан Трипуновски.

-Зоран Заев и Трајан Димковски ги лажат тутунарите. Додека домашниот тутун стои не откупен, власта дозволи увоз на тутун. Во период од 8 јануари до денес, Заев и Димковски дозволија увоз на околу еден милион килограми тутун, во вкупна вредност од неколку милиони евра. Да биде трагедијата поголема, тутунот кој е увезен во Македонија е платен од едно до две евра повеќе од цената по која се откупува домашниот тутун, рече Трипуновски на денешната прес-конференција.

Тој покажа документи кои, како што рече, го докажуваат увозот на тутун, во ек на откупна сезона.

-Ова се фактури и барања за дозвола за увоз кои го демантираат Заев и Димковски. Македонските тутунари плачат за денар повеќе и реална процена на тутунот, а Заев и Димковски увезуваат тутун кој се плаќа поскапо. Тие вчера лажеа дека увоз на тутун нема. Заев и Димковски ги гледаат во очи и ги лажат тутунарите, како и за се останато во државата. Тутунот кој се увезува е од ист тип на тутун кој што се произведува во Македонија, а се плаќа поскапо од домашниот, потенцира Трипуновски.

Ја повика власта да не си игра со тутунарите, да се запре увозот на тутун и да се откупи домашниот.