Турскиот претседател Реџеп Тајип Ердоган денеска изјави дека не може да се очекува командантот на Либиската национална војска Калифа Хафтар да го почитува прекинот на огнот меѓу неговите сили и провладините трупи во Либија.

– Не може да се очекува милост и разбирање од некој како Хафтар кога станува збор за примирје, рече Ердоган, коментирајќи ги новите прекршувања на примирјето.

Турција ја поддржува меѓународно признатата влада на Либија, со седиште во Триполи, и повеќе пати ги оквалификува Хафтар и неговите сили како нелегитимни.