Во Охрид вторпат се одржува обука за сомелиери

Во организација на Македонската асоцијација на сомелиери – МАСОМ викендов во Охрид се одржува втората од предвидените неколку професионални сомелиерски обуки.
Обуката почнува денеска со воведни предавања за виното, по што е предвидена обука за систематски пристап кон дегустација на вино, вински сервис – теорија и пракса. Вториот ден од обуката е резервиран за предавања околу начините за впарување на храната и виното, по што ќе следи и теоретскиот и практичниот дел од испитот.
Инаку, самите обуки се наменети првенствено за угостителскиот сектор, но и за останатите бизнис-сегменти поврзани со вината и јаките алкохолни пијалоци.
Предвидени се три нивоа на обука – МАСОМ послужувачи на вино, МАСОМ помошник сомелиер и МАСОМ сертифициран сомелиер.
Првото ниво претставува основно познавање што значи дека кандидатите ќе се стекнат со основнни вештини и познавање од областа на вината. За тоа ниво на обука не е потребно никакво предзнаење.
Кандидатите низ практични вежби и дегустации, како и теоретски дел ќе ги поминат основите на лозарството, производството на вино, типови и стилови на вино, основни вински сорти, познати светски вина, вовед во дегустација и евалуација на вината, вински сервис и впарување на храна и вино.
Оценка на експертите за вино е дека Македонија има потенцијал, со навистина добри вина, како и голем број професионалци кои работат во винската индустрија.
Ново на Сител
-

Краделе мебел, бела техника и радијатори кај браната Конско - приведени две лица
-

Зеленски повторно бара членство во НАТО, според него тоа е гаранција за безбедност
-

Уапсен возачот кој возеше во спротивен правец на „Партизанска“ | ВИДЕО
-

Ѓорѓиевски: Уреден просторот кај жичарницата на Водно, обновени клупите и летниковците | ФОТО
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
