Во Црна Гора најмногу инвестирале Азербејџанци и Руси

Според податоците на Централна Банка на Црна Гора (ЦБЦГ) во земјата минатата година вложувале странски инвеститори од околу 60 држави. Најголем прилив бил од Азербејџан, Русија и Унгарија.

Но, не се открива цифрата на инвестиции од Азербејџан, бидејќи се работи за деловна тајна. Со азербејеџански капитал е изграден рисортот Портонови Азмонт во Кумбор, еден од најпрестижните проекти од резиденцијален тип во овој дел од Европа, што чинеше околу една милијарда евра, а беше отворен на 31 јули минатата година.

На второ место по вложувања се инвеститорите од Русија со 58,2 милиони, а на трето Унгарија со 54,2 милиони евра.

Следат Обединети Арапски Емирати со 35,4 милиони, Девствени Острови – 34,9 милиони. Швајцарија – 33,1 милиони евра, Босна и Херцеговина – 33,1 милиони, Германија – 31,6 милиони, Холандија – 30,7 милиони и Турција со 25,9 милиони евра.