Нова подобрена верзија на онлајн услугите на ЕВН
Почна со работа новата надградена верзија на онлајн услугите на ЕВН – evnonline.mk. Овие услуги на корисниците сега ги нуди компанијата „ЕВН Хоме“ која од минатата година е универзален снабдувач за електрична енергија. Со подобрувањата, како што соопшти ЕВН, ќе се пресретнат барањата на корисниците, особено со дигитализацијата на нови опции кои досега не беа достапни онлајн.
Досега, ЕВН Онлајн на корисниците им нудеше три одделни услуги: електронска пријава за е-фактура (Формулар за е-фактура), брзо плаќање на фактурите без регистрација на кориснички профил (Плати брзо) и проверка на долгови и плаќање на фактурите со регистрација на кориснички профил (досега Е-пункт).
-Главната промена се состои во целосната преработка на сервисот за регистрирани корисници – „Е-пункт“ што сега е преименуван во „Мој ЕВН Хоме“. „Мој ЕВН Хоме“, како интегриран дел од ЕВН Онлајн претставува унапреден кориснички портал за услуги поврзани со плаќањето на фактурите за електрична енергија со респонзивен дизајн. Така, посетителите имаат беспрекорно корисничко искуство без разлика од каков уред пристапуваат, објаснуваат од компанијата.
Отсега, „Мој ЕВН Хоме“ покрај плаќањето фактурите без провизија, нуди и плаќање на повеќе фактури одеднаш, регистрирање повеќе места на потрошувачка на еден кориснички профил, регистрирање на едно место на потрошувачка во повеќе профили, преземање на копии од фактури од последните 12 месеци и увид во историја на сите плаќања реализирани преку корисничкиот профил.
Според ЕВН, корисниците на досегашната услуга „Е-пункт“ ќе може да го користат „Мој ЕВН Хоме“ со истото корисничко име (електронската пошта) и лозинка, со што при првото логирање системот ќе им побара промена на лозинката.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени