Црвен Крст Струмица почна со обука на лични асистенти на лица со попреченост

Во Центарот за образование на возрасни во oпштинската организација на Црвен Крст на Струмица денесka почна третата обука на 20 лични асистенти на лица со попреченост.

Според секретарот Маријана Тошева, обуката ќе трае во наредните два месеци.

- Имаме голема побарувачка за персоналните асистенти, дел заради идните групни домови што се отвораат на територијата на општина Струмица, но и поради потребата на се поголем број на лица кои сакаат да ја користат оваа услуга во државата, рече Тошева.

Проектот за обука на персоналните асистенти е финансиран од УНДП и од сопствени средства од буџетот на Црвен Крст од Струмица.