Француски експерти ќе помагаат во декодирање на црните кутии во истрагата за урнатиот авион во Иран

Украинскиот претседател Володомир Зеленски и неговиот француски колега Емануел Макрон денеска се согласија француски експерти да помогнат во декодирање на црните кутии од соборениот украински авион во Иран.

Ова било договорено во телефонскиот разговор меѓу двајцата претседатели, информираат од кабинетот на Зеленски.

Макрон на својот украински колега му кажал дека Франција ја почнала формалната постапка за отпочнување меѓународна истрага за несреќата, пренесуваат британските медиуми.

Во соопштението се додава дека Макрон ја прифатил поканата да го посети Киев.