Општина Бутел организираше новогодишен хуманитарен базар

Новогодишен хуманитарен базар организираше денеска Општина Бутел по повод новогодишните и божиќните празници.

На базарот, како што соопшти Општината, учествувале учениците од сите седум основни општински училишта, како и децата од градинката „11 Октомври“.

Собраните средства од продажбата на нивните новогодишни производи биле наменети за 21-годишно момче Филип кое боледува од инфантилна церебрална парализа. На настанот присуствувал и градоначалникот на Општина Бутел Велимир Смилевски, кој ги посетил сите штандови со производи подготвени од вредните и хумани дечиња.

Во своето обраќање тој истакнал дека Општината ќе продолжи со ваквите настани кој ќе бидат поддршка на сите оние на кои им е најпотребна помош.

На крајот тој се заблагодарил на сите учесници на настанот, родителите, учениците и изразил посебна благодарност до лицата од Заводот за рехабилитација кој земале учество со свои производи на настанот, соопшти Општина Бутел.