Петар Грашо за Водици во Охрид на плоштад

Во пресрет на Новогодишните и Божиќните празници и Богојавление – Водици во Охрид ќе се реализира богата музичко – забавна програма на градскиот плоштад.

 

На 31 декември е предвиден организиран дочек на Новата година, со Ефто Пупиноски, групата „Камелеон“ и Ѓоко Танески.

 

На 2 јануари предвиден е настап на Марко Луис, на 5 јануари Ди-џеј Ванчо ќе приреди забава со ретро Палас хитови, а на 11 јануари џез, соул и фанк забава со познатиот Владимир Василевски Четкар.

 

На 18 јануари на градскиот плоштад концерт ќе одржи најпопуларната музичка ѕвезда во Хрватска, Петар Грашо.

 

За такавиканиот Ден на рибарите, на 20 јануари ќе настапи познатиот фолк пејач Миле Кузманоски.