Состанок во АХВ за извоз на замрзнато јагнешко во Кина

Директорот на Агенцијата за храна и ветеринарство (АХВ) Зоран Поповски денеска ќе одржи работен состанок со претставници на сточарските и на здруженијата на кланичари.

Како што соопшти АХВ, на состанокот ќе се дефинираат идните чекори за извоз на замрзнато јагнешко месо на кинескиот пазар согласно Протоколот кој неодамна го потпиша Агенцијата за храна и ветеринарство со Генералната администрација за надзор на квалитет, инспекција и карантин на НР Кина.