Кумановци на протест за чист воздух

Стотина кумановци денеска на плоштадот излегоа на протест за чист воздух. Велат дека негрижата на локалните власти придонела до енормното загадување и затоа градот во последните денови е меѓу најзагадените во светот, заедно со Скопје. Посочуваат дека во секоја населба има по неколку диви депонии.

До градоначалникот ќе поднесат краткорочни и долгорочни мерки за намалување на загадувањето.

Бараат рестриктивно возење автомобили, бесплатен јавен превоз, ваучери за велосипеди, пешачки зони...

Долгорочните барања се 5 отсто од буџетот да се намени за мерки против загадување, интензивна гасификација, купување автобуси на мазут, масовно пошумување на околината на градот.

Даниел Василев