Русија ги повика на дијалог спротивставените страни во Либија

Руското Министерствто за надворешни работи денеска ги повика спротивставените страни во Либија преку дијалог да работат на решавање на кризата во земјата.

Руските медиуми ова го јавија само ден откако командантот на источните либиски сили генералот Калифа Хафтар повика на офанзива кон Триполи.

Хафтар, кој се наоѓа на чело на Либиската национална армија, во април почна офанзива за заземање на главниот град, но беше задржан на периферијата на главниот град, пренесоа британските медиуми.

Според наводи на дипломати и официјални претставницо во Триполи, Хафтар е подржан од Египет, Обединетите Арапски Емирати и руски платеници.