Меркел в понеделник ќе има средба со Путин во Париз

Германската канцеларка Ангела Меркел в понеделник ќе има билатерална средба со рускиот претседател Владимир Путин во Париз, пред самитот за Украина, соопшти портпаролката на германската влада.

Меркел, исто така, планира на самитот да има состанок одделно со украинскиот претседател Володимир Зеленски.

Домаќин на Самитот за Украина е францускиот претседател Емануел Макрон.

Тоа ќе биде прва таква средба на тоа ниво, во „нормандиски формат“, во изминатите три години, со цел да се започнат мировните преговори.

Во меѓувреме, меѓу Берлин и Москва има се поголем дипломатски судир поради убиството на грузиски активист, за кое, наводно, стои руската држава.