Полицијата во Хонг Конг повторно употреби солзавец

Полицијата во Хонг Конг денеска повторно употреби солзавец за да растера илјадници антивладини демонстранти кои излегоа на улиците на градот.

Протестот во трговскиот кварт Цим Ца Цуи следуваше откако стотици луѓе се собраа пред американскиот конзулат во Хонг Конг во рамки на „Марш за благодарност“ за поддршката на САД за антивладините протести кои траат речиси шест месеци.

Претходно стотици луѓе, меѓу кои и семејства со деца, протестираа против употреба на солзавец за време на демонстрациите.

Изминатата недела во Хонг Конг беше релативно мирна, но демонстрантите соопштија дека ќе продолжат да одржуваат тензии и за денеска најавија три протести.