Рама бара финансиска и експертска меѓународна помош

Албанскиот премиер Еди Рама денеска ја повика меѓународната заедница да испрати финансиска и експертска помош за да и помогне на земјата да закрепне после силниот земјотрес во кој загинаа 51 лице, а илјадници останаа без своите домови.

Рама рече дека Владата работи на ребаланс на буџетот, но оти ќе биде „човечки невозможно“ да се направи се без поддршка на меѓународните партнери.

Градежни инженери од Европската унија и САД, во соработка со локалните, веќе почнаа да ги проценуваат ефектите од земјотресот.