Џонсон не се откажува од подготовките за Брегзит без договор

Британскиот премиер Борис Џонсон денеска изјави дека не сака Владата да се откаже од подготовките за можен Брегзит без договор.

– Многу од овие подготовки ќе бидат исклучително корисни, бидејќи секако ги напуштаме договорите со ЕУ. Затоа, мислам дека беше соодветно што тоа го направивме и треба да ги задржиме во состојба на подготвеност, изјави Џонсон пред новинарите.

Тој додаде дека е убеден дека Велика Британија ќе постигне договор за слободна трговија со ЕУ до крајот на 2020 година, што ќе го отстрани ризикот од економски шок по Брегзит.