Засадени нови листопадни дрвја во Тафталиџе

Со цел рамномерно да го зголеми зеленилото во сите урбани заедници, Општина Карпош во рамки на есенската акција, засади нови 22 висококвалитетни листопадни дрвја, во населбата Тафталиџе, долж улицата „Московска“, пред станбените згради.

Од локалната самоуправа информираат дека во изминатиот период се подигна и ново зеленило околу ТЦ „Лептокарија“, при што биле засадени 400 украсни растенија, а со акцијата биле опфатени и Нерези, Криви Дол и Влае 2.

Од општината најавуваат дека продолжуваат со секојдневните активности за надоместување на изгубеното зеленило и заштита на животната средина.